22.7 C
Sri Lanka
Saturday, July 31, 2021

අන්තර් මෝසමින් වී වගාවට පිවිසෙන්න – කෘෂිකර්ම දෙපාර්තමේන්තුවෙන් ගොවීන්ට උපදෙස්..

මේ වන විට දිවයිනට බලපා ඇති අන්තර් මෝසම් වැසි තත්ත්වය හේතුවෙන් බොහෝ කුඹුරු ඉඩම්වල පාංශු තෙතමන තත්ත්වය ඉතා සතුටුදායක මට්ටමකට ඉහළ ගොස් ඇති බව කෘෂිකර්ම දෙපාර්තමේන්තුවේ ස්වභාවික සම්පත් කළමනාකරණ මධ්‍යස්ථානය පවසයි.

එමෙන්ම, සමහර කුඹුරු යායන් තුළ සැලකිය යුතු උසකින් ජලය රැදී ඇති අයුරු නිරීක්ෂණය කළ හැකි බව ද එම මධ්‍යස්ථානය නිවේදනයක් නිකුත් කරමින් කියා සිටී.

මෙම තත්ත්වය සැල කිල්ලට ගනිමින්, ජලාශ මගින් වාරි ජලය නිකුත් කරන තෙක් රැදී නොසිට කුඹුරු ඉඩම්වල මූලික බිම් සැකසීම වහාම ආරම්භ කිරීමට කටයුතු කළ යුතු බව ස්වභාවික සම්පත් මධ්‍යස්ථානය ගොවි ජනතාවට අවධාරණය කරයි.

කෙසේ වෙතත් ඔක්තෝබර් මාසය තුළ හොදින් වැසි ලැබුන ද මෙරට වාරි ජලාශ සහ වැව්වල ජල මට්ටම ඉහළ යාමට සැලකිය යුතු කාලයක් ගත විය හැකි බව එම මධ්‍යස්ථානය විසින් නිකුත් කළ නිවේදනයේ දැක්වේ.

එබැවින් එම ජලාශවලින් වාරි ජලය ගොවීන් වෙත ලබාදීම ද කල් ගත වනු ඇති බැවින් දැනට පවතින වර්ෂාව භාවිත කරමින් වාරි ජලයෙන් වගා කරන කුඹුරු ඉඩම්වල බිම් සැකසීමේ මූලික කටයුතු ආරම්භ කරන ලෙස ගොවි ජනතාවට අවධාරණය   කෙරේ.

එමෙන්ම, ස්වභාවික සම්පත් කළමනාකරණ මධ්‍යස්ථානය කියා සිටින්නේ වර්ෂා ජලයෙන් සිදු කෙරෙන උස්බිම් වගාව ඒ ඒ ප්‍රදේශවල සාමාන්‍ය මහ කන්නයේ දී අනුගමනය කරන වගා රටාවන් පරිදි සිදු කළ හැකි බවය.

කෙසේ වෙතත්, 2019-2020 මහ කන්නයේ දී හොදින් වැසි ලැබීමට වැඩි අවකාශයක් ඇති බව ද කෘෂිකර්ම දෙපාර්තමේන්තුවේ ස්වභාවික සම්පත් මධ්‍යස්ථානය විසින් නිකුත් කර ඇති නිවේදනයේ වැඩි දුරටත් දැක් වේ.

Latest news

- Advertisement -spot_img

Related news

LEAVE A REPLY

Please enter your comment!
Please enter your name here