22.7 C
Sri Lanka
Saturday, July 31, 2021

අපි වවලයි අපි කන්නේ විශේෂ වගා ප්‍රවර්ධන සතිය දිවයිනේ පළාත රැසක දී…..

අපි වවලයි අපි කන්නේ තේමාව රැගත් කඩිනම් කෘෂිකර්ම සංවර්ධන වැඩසටහන යටතේ ක්‍රියාත්මක විශේෂ කෘෂිකර්ම ප්‍රවර්ධන සතිය පසුගිය 15 වනදා ආරම්භ විණි.

ඒ අනුව උතුර, උතුරු මැද, නැගෙනහිර,දකුණ යන පළාත්වල ලබන 21 දක්වා මෙම ප්‍රවර්ධන වැඩසටහන් ක්‍රියාත්මක කෙරේ.

එමෙන්ම මහවැලි බල ප්‍රදේශවල මෙම ප්‍රවර්ධන සතිය ලබන 22 වනදා ආරම්භ වන අතර, එය 28 වනදා දක්වා පැවැත්වේ.

මෙම විශේෂ ප්‍රවර්ධන සතිය තුළ නියගයෙන් පීඩා විදි කෘෂිකාර්මික ප්‍රදේශවල ගොවීන් යලි වගා කටයුතු පිළිබදව උනන්දු කරවීමට අපේක්ෂිතය.

එමෙන්ම වගා කළ හැකි සෑම බිමකම වගා සිදු කිරීම මෙම සතිය තුළ ක්‍රියාත්මක කිරීමට අපේක්ෂා කරන බව කෘෂිකර්ම දෙපාර්තමේන්තුවේ ව්‍යප්ති හා පුහුනු අංශයේ අතිරේක අධ්‍යක්ෂ ජගත් සුදසිංහ මහතා පැවසීය.

මෙම ප්‍රවර්ධන සතියේ දී ගුණාත්මක බීජ හා රෝපණ ද්‍රව්‍ය ගොවීන්ට ලබා දීම, කෙටි කාලීන වගා ක්‍රම භාවිතය, ඒකාබද්ධ පළිබෝධ පාලන ක්‍රම, යහපත් කෘෂිකාර්මික පිළිවෙත් පිළිබදව දැනුවත් කිරීම, වගාවට අවශ්‍ය පැළ ලබා දීම මෙන්ම කෘෂි උපකරණ ලබා දීම වැනි ක්‍රියාවලීන් ද සිදු වන බව අතිරේක අධ්‍යක්ෂවරයා සදහන් කළේය.

කෘෂිකර්ම අමාත්‍යංශයේ පූර්ණ මග පෙන්වීම මත මෙම වැඩසටහන ක්‍රියාවට නැංවේ.

කෘෂිකර්ම දෙපාර්තමේන්තුව, පළාත් කෘෂිකර්ම අමාත්‍යංශ, පළාත් කෘෂිකර්ම දෙපාර්තමේන්තු, ගොවිජන සංවර්ධන දෙපාර්තමේන්තුව, ශ්‍රී ලංකා මහවැලි අධිකාරිය යන ආයතන ද මෙම වගා ප්‍රවර්ධන  ක්‍රියාන්විතය සදහා එක්ව සිටී.

Latest news

- Advertisement -spot_img

Related news

LEAVE A REPLY

Please enter your comment!
Please enter your name here