21.5 C
Sri Lanka
Thursday, April 22, 2021

දිවයිනම ආවරණය වන පරිදි කෘෂිකාර්මික තොරතුරු පද්ධතියක්…

සියලු කෘෂිකාර්මික තොරතුරු ඇතුලත් දිවයිනම ආවරණය වන කේන්ද්‍රගත තොරතුරු කළමනාකරණ පද්ධතියක් ස්ථාපනයට කෘෂිකර්ම අමාත්‍යාංශය පියවර ගෙන තිබේ.

කෘෂිකර්මාන්තයට අදාල සියළු රාජ්‍ය හා පෞද්ගලික අංශවල තොරතුරු මීට ඇතුලත් වන බව අමාත්‍යංශය සදහන් කරයි.

හම්බන්තොට හා වව්නියාව යන දිස්ත්‍රික්කවල තොරතුරු ඒකරාශී කිරීම මේ වනවිටත් අවසන් අතර දිස්ත්‍රික්ක කීපයක එම කටයුතු මේ වන විට සිදුකරමින් පවතින බව  බව අමාත්‍යංශය කියා සිටී.

මේ පිළිබදව කෘෂිකර්ම අමාත්‍ය මහින්දානන්ද අලුත්ගමගේ මහතාගේ පූර්ණ අවධානය යොමු වී ඇති අතර වගකීම ප්‍රමුඛ කොට මෙම තොරතුරු පද්ධතිය සකස් විය යුතු බවයි අමාත්‍යවරයා අවධාරණය කර ඇත්තේ.

වගාකෙරෙන ඉඩම් මොනවාද, කුමන වගාවන් ඒ ඒ කාලය තුළ සිදුවන්නේද, එක් කන්නයක දිවයින පුරා වගා කොට ඇති බෝග සහ ප්‍රමාණයන් මොනවාද, බෝග වගාකිරීමේ දී තෝරාගත යුතු ක්‍රමවේද, කෘෂි තාක්ෂණික දැනුම, වගාකිරීම් අනුව නිෂ්පාදනය, අලෙවිය, මිල, දිවයින පුරා ක්‍රියාත්මක කෘෂිකාර්මික ව්‍යාපෘති මොනවාද යන කරුණු මෙම දත්ත පද්ධතියට ඇතුලත් කෙරේ.

සියලු කෘෂිකාර්මික තොරතුරු එකම තොරතුරු පද්ධතියකින් ආවරණය කිරීම මෙම නව කේන්ද්‍රගත කෘෂිකාර්මික තොරතුරු පද්ධතිය ස්ථාපිත කිරීමේ අරමුණයි. 

ලෝකයේ බොහෝ දියුණු රටවල මේ ආකාරයේ වූ පද්ධති ක්‍රියාත්මක අතර මෙරට තුළ එවැනි අංග සම්පූර්ණ පද්ධතියක් සකස් කෙරෙන්නේ පළමු වතාවටයග

කෘෂිකර්මයට අදාල සියළු ආයතන සතුව වෙන්වෙන්ව ඇති තොරතුරු මෙම කේන්ද්‍රගත තොරතුරු පද්ධතියට එක්කොට ජාතික අවශ්‍යතාවයක් ලෙස සලකා කඩිනමින් සකස් කරන ලෙසයි අමාත්‍යවරයා උපදෙස් ලබා දී ඇත්තේ

එළඹෙන මාර්තු මාසය වන විට සියළු දත්ත ගබඩා කොට අවසන් කිරීමට නියමිත අතර වී වැනි ප්‍රධාන භෝග වලට සීමා නොවී එළවළු ආදී දිවයිනේ විවිධ ප්‍රදේශවල විවිධ කෘෂිකාර්මික වගාවන්වල නිරත ගොවි ජනතාව පිළිබඳ තොරතුරු ද මීට ඇතුලත් කිරීමට නියමිතව තිබේ.

දිස්ත්‍රික් කෘෂිකර්ම අධ්‍යක්ෂවරුන් ඔවුන් යටතේ දිස්ත්‍රික් ලේකම් කාර්යාල හා ප්‍රාදේශීය ලේකම් කාර්යාලවල සේවය කරන කෘෂි නිලධාරීන් කෘෂිකර්ම අමාත්‍යාංශය යටතේ ඇති ආයතනවල ගම් මට්ටමින් සිටින නිලධාරීන් සම්බන්ධ කරගෙන 100% ක් නිවැරදි යාවත්කාලීන තොරතුරු මෙම පද්ධතියට එක් කෙරෙනු ඇති.

Latest news

- Advertisement -spot_img

Related news

LEAVE A REPLY

Please enter your comment!
Please enter your name here