22.7 C
Sri Lanka
Saturday, July 31, 2021

නව වසරේ අතමිට සරු කර ගන්න – අනාගත ඉල්ලුම අනුව බෝග වගාවට යොමු වන්න…

එලවලු බෝගයන්ට වෙළඳපොලේදී ඉහළ මිලක් අපේක්ෂා කරන්නේ නම් ඒ සඳහා කල්තියාම එම කාලය සඳහා සුදුසු බෝග වර්ගයන් වගා කිරීමට යොමු විය යුතුයි.

මේ පිළිබඳව අවධානය යොමු කරමින් කෘෂිකර්ම දෙපාර්තමේන්තුවේ සමාජ ආර්ථික හා සැලසුම් මධ්‍යස්ථානයේ බෝග පුරෝකතන ඒකකය විසින් වගා කිරීමට සුදුසු බෝග පිළිබඳව පූර්ව නිවේදනයන් නිකුත් කරනු ලබයි.

වර්තමාන වගා වපසරිය හා අනාගත ඉල්ලුම අනුව මෙම පුරෝකතනයන් නිකුත් කෙරේ.

ඒ අනුව 2019 දෙසැම්බර් මස 21 වන දින සිට 2020 ජනවාරි මස 05 වන දින දක්වා වගා කිරීමට සුදුසු බෝග වර්ගයන් පිළිබඳව පූර්ව නිවේදනය මේ වන විට නිකුත් කොට ඇත.

මෙම කාලය තුළ වෙළඳපොලේදි ඉතාමත් හොඳ මිලක් ලබා ගැනීමට නම් බීටි රූට්, ගෝවා, කැරට් හා ලීක්ස් යන බෝග වර්ගයන් වගා කිරීමට යොමු විය යුතුය.

බෝංචි, වම්බටු, මාලු මිරිස්, වැටකොලු, වට්ටක්කා,රාබු හා තක්කාලි යන බෝග වර්ගයන් වගා කිරීමෙන් වෙළඳපොලේදී හොඳ මිලක් හිමි වේ.

කරවිල, පිපිඤ්ඤා, මෑ කරල්, බණ්ඩක්කා හා පතෝල යන බෝග වගාවෙන් සාමාන්‍ය මිලක් ලබාගත හැකි බව බෝග පුරෝකතන ඒකකය විසින් නිකුත් කරන ලද නිවේදනයේ වැඩිදුරටත් සඳහන් වේ.

 

 

Latest news

- Advertisement -spot_img

Related news

LEAVE A REPLY

Please enter your comment!
Please enter your name here