21.5 C
Sri Lanka
Thursday, April 22, 2021

පාරිභෝගික ජනතාවට සහන එළවළු මල්ලක්…

පාර්භෝගික ජනතාවට සහන මිලට එළවළු මිලදී ගැනීම සදහා විශේෂ වැඩසටහනක් කෘෂිකර්ම අමාත්‍යංශය විසින් ක්‍රියාවට නංවා තිබේ.

කෘෂිකර්ම අමාත්‍ය මහින්දානන්ද අලුත්ගමගේ මහතාගේ උපදෙස් මත වැඩසටහන ක්‍රියාවට නැංවේ.

මේ යටතේ කැරට්, ලංකා අර්තාපල්, බීට්, තක්කාලි, ලීක්ස් සහ නොකෝල් යන එළවළු වර්ග 06 කින් සමන්විත එළවළු මල්ලක් රුපියල් 350 ක් වැනි සහන මිලකට ලබා දීම සිදු වේ.

මෙම එළවළු මල්ලේ වෙළදපළ වටිනාකම රුපියල් 700.00 ක් පමණ වන අතර, අතරමැදියන්ගෙන් තොරව සෘජුවම අස්වැන්න මිලදී ගැනීමේ වාසිය පාරිභෝගිකයාට ලබා දෙන බව කෘෂිකර්ම අමාත්‍යංශය පවසයි.

අතරමැදියන් නොමැතිව ගොවීන්ගේ අස්වැන්න ගොවිජන සංවර්ධන මධ්‍යස්ථාන විසින් මිලට ගෙන ඒවා පාරිභෝගික ජනතාව වෙත අලෙවි කිරීම මේ යටතේ සිදු වේ.

කොළඹ දිස්ත්‍රික්කයේ කොටුව දුම්රිය ස්ථානය, මරදාන දුම්රිය ස්ථානය, ඉසුරුපාය, සුහුරුපාය, සෙත්සිරිපාය සහ නුගේගොඩ යන ස්ථාන 6කදී සහනදායී එළවළු මල්ල මිලදී ගැනීමට පාරිභෝගිකයන්ට අවස්ථාව ලබාදී තිබේ.

මහනුවර දිස්ත්‍රික්කයේ ස්ථාන 3කදී මෙම වැඩසටහන ක්‍රියාත්මක වන අතර, බ ශ්‍රී ලංකා හදබිම අධිකාරිය මේ සදහා දායකත්වය දක්වයි.

රජයේ සෞභ්‍යාගයේ දැක්ම යථාර්ථයක් කරමින් ගොවි ජනතාවට හා පාරිභෝගික ජනතාවට සහන සැලසීම වැඩසටහනේ අරමුණ බව අමාත්‍යංශය වැඩිදුරටත් සදහන් කරයි.

Latest news

- Advertisement -spot_img

Related news

LEAVE A REPLY

Please enter your comment!
Please enter your name here