28.5 C
Sri Lanka
Friday, April 23, 2021

මධ්‍යම පළාත් “නගරයට උයන්වතු” තරගාවලියට අයදුම්පත් කැදවේ

මධ්‍යම පළාත් කෘෂිකර්ම අමාත්‍යංශය හා  මධ්‍යම පළාත් කෘෂිකර්ම දෙපාර්තමේන්තුව විසින් සංවිධාන කරන නගරයට උයන්වතු තරගාවලිය සදහා අයදුම්පත් භාර ගැනීම මේ දිනවල සිදු කෙරේ.

මධ්‍යම පළාත් ගෙවතු සංවර්ධන වැඩසටහන යටතේ මෙම තරගාවලිය සංවිධාන කර තිබේ.

මෙම තරගාවලිය තරග අංශ 16 ක් යටතේ පවත්වන බව මධ්‍යම පළාත් කෘෂිකර්ම දෙපාර්තමේන්තුවේ පළාත් අධ්‍යක්ෂ කාර්යාලයේ විෂයානුබද්ධ නිලධාරී නුවන් ක්‍රිෂාන්ත මහතා පැවසීය.

ඒ අනුව මධ්‍යම පළාතේ සියලුම රාජ්‍ය ආයතන, පළාත් පාලන ආයතන, රෝහල් , පාසල්, ආරක්ෂක අංශ, තරු පන්තියේ හෝටල් අංශය, සංචාරක ආයතන, පුද්ගලික ව්‍යාපාර ආයතනවලින් මෙම  ගෙවතු තරගාවලිය සදහා අයදුම්පත් කැදවේ.

එමෙන්ම, මධ්‍යම පළාතේ පොදු ස්ථානවල ගෙවතු , නාගරික පුද්ගලික ගෙවතු, ග්‍රාමීය පුද්ගලික ගෙවතු, මහජන නියෝජිතයින්ගේ ගෙවතු, රජයේ නිලධාරීන්ගේ ගෙවතු, පාසල් ළමුන්ගේ ගෙවතු, වතු අංශයේ නිලධාරීන්ගේ ගෙවතු හා වතු අංශයේ සේවක ගෙවතු යන අංශවලින් ද අයදුම්පත් කැදවීම සිදු වේ.

අයදුම්පත් භාර ගන්නා අවසන් දිනය අගෝස්තු මස 15 දින වේ.

තරගාවලිය කෘෂිකර්ම උපදේශක කොට්ඨාස මට්ටම  , සහකාර කෘෂිකර්ම අධ්‍යක්ෂ මට්ටම , දිස්ත්‍රික් මට්ටම හා පළාත් මට්ටම යන අංශ 04 යටතේ පැවැත්වේ.

තරගාවලියේ ජයග්‍රිහකයන්ට වටිනා මුදල් ත්‍යාග, ජය සංකේත,  සහතිකපත් පිරිනැමීමට නියමිත බව

නුවන් ක්‍රිෂාන්ත මහතා සදහන් කළේය.

තිළිණ ප්‍රදානෝත්ස්වය මේ වසරේ දෙසැම්බර් 18 වන දින පළාත් ප්‍රධාන අමාත්‍යවරයාගේ හා පළාත් ආණ්ඩුකාරවරියගේ ප්‍රධානත්වයෙන් පැවැත්වීමට නියමිතය.

Latest news

- Advertisement -spot_img

Related news

LEAVE A REPLY

Please enter your comment!
Please enter your name here