Home MINISTRY OF AGRICULTURE මහ කන්නයේ වගා හානි වන්දි මුදල් දෙසැම්බරයට පෙර ගොවි සුරතට…..

මහ කන්නයේ වගා හානි වන්දි මුදල් දෙසැම්බරයට පෙර ගොවි සුරතට…..

0
794

2019 මහ කන්නයේ වගා හානි සඳහා වන්දි මුදල් මේ වසරේ දෙසැම්බර් මසට පෙර ගොවීන් සඳහා ගෙවීමට හැකියාවක් ඇති බව කෘෂිකර්ම අමාත්‍ය පී. හැරිසන් මහතා පැවසීය.

ගම්පහ දිස්ත‍්‍රික්කයේ 2018 යල කන්නයේ වගා හානි වූ ගොවීන් වෙනුවෙන් පැවැති වන්දි ප්‍රදානයට එක්වෙමින් අමාත්‍යවරයා මේ බව කියා සිටියේය..

මේ වන විට  ලංකාවේ හානි වූ වගාබිම් අක්කර 23‚366 සඳහා ගොවීන් 20‚366 කට රුපියල් මිලියන 559 ක මුදලක් ගෙවා ඇති බව කෘෂිකර්ම අමාත්‍යවරයා මෙහිදී සදහන් කළේය.

එමෙන්ම,  2018 – 2019 මහ කන්නයට අදාලව හානි වූ ගොවිබිමි වෙනුවෙන් වන්දි ප‍්‍රදානය සිදු කරන බව ද පී.හැරිසන් මහතා කියා සිටියේය.

ඒ අනුව,  ආසන්න වශයෙන් මහ කන්නයේ අක්කර 50‚000ක් සදහා ගොවීන් 30‚000ක් වෙනුවෙන් රුපියල් මිලියන 1‚100ක මුදලක් වැය වෙතැයි අපේක්ෂා කෙරේ.

මිරිස්,ලොකුලූණු ,වී, සෝයාබෝංචි, බඩඉරිඟු, අර්තාපල් යන බෝග වෙනුවෙන් ගංවතුර, නියඟය, වන අලි හානි හා පළිබෝධ හානි වෙනුවෙන් ගම්පහ දිස්ත‍්‍රික්කයේ ගොවීන් 1576 දෙනකු සඳහා ලක්ෂ 230ක වන්දි මුදල් අමාත්‍යවරයාගේ ප‍්‍රධානත්වයෙන් මෙහිදී පිරිනැමිණ.

NO COMMENTS

LEAVE A REPLY

Please enter your comment!
Please enter your name here