21.5 C
Sri Lanka
Thursday, April 22, 2021

සේනා දළඹු හානිය ගැන අවධානයෙන් සිටින්න…ගොවීන් දැනුවත් කිරීමේ වැඩසටහන් ඇරඹේ…

මොණරාගල දිස්ත්‍රික්කයේ බඩ ඉරිගු වගාව තුළ මේ වන විට ව්‍යාප්ත වෙමින් පවතින සේනා දළඹු හානිය සම්බන්ධයෙන් විශේෂ දැනුවත් කිරීමේ වැඩසටහනක් මෙම මස දෙවන දින (02) ආරම්භ කළ බව මොණරාගල අන්තර් පළාත් නියෝජ්‍ය කෘෂිකර්ම අධ්‍යක්ෂ කාර්යාලය පවසයි.

එම දැනුවත් කිරීම ලබන 05 වනදා දක්වා සිදු කිරීමය නියමිතය.

නියෝජ්‍ය කෘෂිකර්ම අධ්‍යක්ෂ එස්.යූ.රණසිංහ මහතා පැවසුවේ මේ වන විට දිස්ත්‍රික්කයේ සියඹලාණ්ඩුව, කොටියාගල, ඇතිමලේ යන ප්‍රදේශවල බඩ ඉරිගු වගා බිම් සේනා දළඹු හානියට නතු වෙමින් පවතින බවය.

එබැවින් පළාත් සහ අන්තර් පළාත් කාර්යාල සහ අනෙකුත් කෘෂිකර්ම නිලධාරීන් එක්ව මෙම වැඩසටහන දියත් කර තිබේ.

කුඩා කණ්ඩායම් ලෙස සහ ජංගම රථ යොදා ගනිමින් අදාළ දැනුවත් කිරීම් සිදු කරන බව රණසිංහ මහතා සදහන් කළේය.

මෙහිදී ගොවි ජනතාදව නිරන්තරයෙන් තම වගාව පරීක්ෂා කිරීම, අනවශ්‍ය ලෙස කෘෂි රසායන නොයොදා හානි වූ ස්ථානවලට පමණක් ඒවා යෙදීම සහ ගොවීන් සියලු දෙනා එකට එක්ව කටයුතු කිරීම මගින් සේනා දළඹුවාමට එරෙහිව සටන් කළ හැකි බව නියෝජ්‍ය අධ්‍යක්ෂවරයා වැඩිදුරටත් සදහන් කළේය.

මේ සම්බන්ධයෙන් යම් කිසි ගැටළුවක් වෙතොත් තම ප්‍රදේශයේ කෘෂිකර්ම උපදේශක හමුවන ලෙස රණසිංහ මහතා වැඩිදුරටත් කියා සිටියේය.

Latest news

- Advertisement -spot_img

Related news

LEAVE A REPLY

Please enter your comment!
Please enter your name here